Англиянинг “Ливерпуль”, “Арсенал”, “Манчестер Сити”, Германиянинг “Лейпциг” ва “Боруссия Дортмунд” клублари 21 ёшли “Ньюкасл” ҳимоячиси Льюис Холлни кузатиб бормоқда. Бироқ, ушбу клублардан ҳеч бири футболчига расмий таклиф йўлламаган. Бу ҳақда Caught Offside нашри хабар берди.
Манбага кўра, “Ньюкасл” Холлни сотишни ҳоҳламайди, аммо клуб буни амалга оширишга қарор қилса, трансфер қиймати 65–70 млн фунт стерлингни (тахминан 75–80 млн евро) ташкил этади. Шу билан бирга, клуб трансфер бюджетини бошқа футболчиларни сотиш орқали мувозанатлашни режалаштираётгани таъкидланган.
Жорий мавсумда ҳимоячи барча мусобақаларда 39 та ўйинда майдонга тушиб, битта гол ва битта ассист қайд этган. Футболчининг клуб билан амалдаги шартномаси 2029 йил ёзига қадар амал қилади. Transfermarkt порталидаги маълумотларга кўра, футболчининг бозор қиймати 35 млн еврони ташкил қилади.













