"Арсенал" бош мураббийи Микель Артета матбуот анжумани чоғида ярим ҳимоячи Мартин Эдегорнинг ҳолати ҳақидаги саволга жавоб берди. Норвегиялик футболчи охирги марта 22 февраль куни майдонга тушган эди.
"Эдегорда Лига Кубоги финалида ўйнаш имконияти борми? Ҳа. У ушбу ўйинда жамоага ёрдам беришни жуда хоҳлаяпти. Аммо биз яқин кунларда унинг қандай машғулот ўтказиши ва ўзини қандай ҳис қилишини кузатишимиз керак. Таркибимизда футболчилар қанчалик кўп бўлса, шунчалик яхши", — деди Артета журналистларга.
Англия Лига Кубогининг "Арсенал" ва "Манчестер Сити" жамоалари ўртасидаги финал учрашуви 22 март, якшанба куни бўлиб ўтади. "Уэмбли" стадионидаги баҳс Тошкент вақти билан соат 21:30 да бошланади.
