"Манчестер Юнайтед" таянч ярим ҳимоячиси Каземиро бўйича қабул қилинган қарорни қайта кўриб чиқмайди. Бразилиялик футболчи мавсум якунида юз фоиз клубни тарк этади, деб хабар бермоқда ВВС.
Эслатиб ўтамиз, январь ойида Каземиро мавсум охирида "МЮ"дан кетишини эълон қилган эди. У Манчестер клуби шарафини тўртинчи йилдирки ҳимоя қилиб келмоқда.
Жорий мавсум доирасида Каземиро Англия чемпионатининг 29 та расмий учрашувида майдонга тушиб, ўз ҳисобига 7 та гол ва 2 та голли узатмани ёздириб қўйди.
Аввалроқ тарқалган миш-мишларга кўра, ҳозирда Англия чемпионати пешқадами бўлиб турган Лондоннинг "Арсенал" клуби Каземирога қизиқиш билдирган. Маълумот учун, Каземиро ҳозир 34 ёшда.
