"Бавария" ҳужумчиси Николас Жексон дисквалификация сабабли Бундеслиганинг иккита ўйинини ўтказиб юборади.
Сенегаллик футболчи Бундеслиганинг 26-туридан ўрин олган "Байер"га қарши баҳсда (1:1) қизил карточка олган эди. Ўйиннинг 41-дақиқасида у Мартен Террьенинг тўпиғига бутсасининг тишлари билан зарба берган.
Германия футбол иттифоқининг (DFB) Назорат қўмитаси ҳужумчининг қўпол ўйини учун уни иккита ўйинга дисквалификация қилиш ҳақида қарор чиқарди.
Шу тариқа, Жексон Германия чемпионати доирасидаги "Унион" ва "Фрайбург" жамоаларига қарши учрашувларда майдонга туша олмайди.
