«Реал Мадрид» учун Чемпионлар лигасининг ҳал қилувчи палласи олдидан жиддий огоҳлантириш.
Эртага «Манчестер Сити»га қарши кечадиган 1/8 финал жавоб баҳси нафақат чорак финал йўлланмаси, балки таркибдаги йўқотишлар жиҳатидан ҳам катта аҳамиятга эга. Агар Винисиус Жуниор, Орельен Чуамени ёки Дин Хёйсен ушбу учрашувда ҳакам томонидан сариқ карточка билан жазоланса, улар автоматик равишда дисквалификация қилинади.
Бу дегани, ушбу футболчилар эҳтимолий чорак финалнинг дастлабки учрашувини (катта эҳтимол билан Мюнхеннинг «Бавария» клубига қарши) ўтказиб юборишларига тўғри келади. Арбелоа шогирдлари учун эртанги баҳсда нафақат ғалаба қозониш, балки эҳтиёткорлик билан ўйин кўрсатиш ҳам муҳим вазифага айланади.
