«ПСЖ» ҳимоячиси Ашраф Ҳакимий Мадриднинг «Реал» клубига қайтиши мумкин, деб ёзмоқда fichajes.net нашри.
Таъкидланишича, клуб президенти Флорентино Перес Ҳакимий ёрдамида жамоадаги Дани Карвахаль ўрнини тўлдиришни истамоқда.
Мадридликлар учун марокашлик футболчининг юқори нархи муаммо туғдириши мумкин, чунки «ПСЖ» уни 80 миллион еврога баҳоламоқда. Шунга қарамай, манбанинг таъкидлашича, ҳимоячининг ўзи Мадридга қайтишни хоҳлайди ва шу сабабли маоши камайишига ҳам тайёр. Айнан шу омил клублар ўртасидаги музокараларда ҳал қилувчи аҳамиятга эга бўлиши мумкин.
Ҳакимийнинг «ПСЖ» билан шартномаси 2029 йилнинг ёзига қадар мўлжалланган. Марокашлик футболчи «Реал» тарбияланувчиси ҳисобланади ва ушбу клуб таркибида Чемпионлар Лигасида ғолиб чиққан.
