Килиан Мбаппе тиззасидаги муаммолар сабабли «Реал»нинг бир қатор ўйинларини ўтказиб юборган эди. Франциялик ҳужумчи тўлиқ соғайди ва Альваро Арбелоанинг Чемпионлар Лигаси 1/8 финали доирасида «Манчестер Сити»га қарши жавоб учрашуви учун қайдномасидан жой олди.

Мбаппе Манчестерга етиб келганидан сўнг ижтимоий тармоқлардаги саҳифаларига бир нечта суратларини жойлаштирди.

«Ишга қайтамиз», — деб ёзиб қолдирди Мбаппе суратлар остида.

Эслатиб ўтамиз, «Манчестер Сити» ва «Реал» ўртасидаги Чемпионлар Лигасининг ҳал қилувчи жавоб учрашуви бугун, 17 март куни бўлиб ўтади.