Айрим хорижий клублар, жумладан АПЛ жамоалари "Милан" ярим ҳимоячиси Рафаэл Леауга қизиқиш билдирмоқда. Бу ҳақда инсайдер Николо Скира хабар берди.
Манбага кўра, миланликлар 26 ёшли португалиялик футболчини ёзги трансфер ойнасида тахминан 70 миллион евро атрофидаги суммага сотишга тайёр.
Рафаэл Леаунинг «Милан» билан амалдаги шартномаси 2028 йил ўрталаригача мўлжалланган. У клубда 2019 йилдан бери ўйнаб келмоқда. Ўшанда у Франциянинг «Лилль» клубидан 49,5 миллион евро эвазига «Милан»га ўтган эди.













