Ҳимоячи Ибраима Конате ўтган дам олиш кунлари "Тоттенхэм"га қарши ўйинда иштирок этмаган эди. Франциялик футболчи соннинг орқа мушагидаги ноқулайликдан шикоят қилганди. Матбуот анжуманида "Ливерпуль" бош мураббийи Арне Слот Конатенинг ҳолати ҳақида тўхталиб ўтди.
"Конате тўлиқ тайёр, у бошқа ҳеч қандай ноқулайлик ҳис қилмаяпти. Шундай экан, у асосий таркибда майдонга тушишга ва умид қиламанки, 90 дақиқа ёки керак бўлса, ундан кўпроқ ўйнашга тайёр", — деди Слот матбуот анжумани давомида.
"Ливерпуль" чоршанба куни Чемпионлар Лигаси 1/8 финали жавоб учрашуви доирасида "Галатасарой"ни қабул қилади. Туркиядаги биринчи ўйинда Истанбулнинг "шерлари" минимал — 1:0 ҳисобида ғалаба қозонишган эди.
