"Тоттенхэм" ҳимоячиси Микки ван де Вен ОАВда тарқалган, гўёки Лондон клуби футболчилари жорий мавсумда курашдан воз кечишгани ва таслим бўлишгани ҳақидаги миш-мишларга муносабат билдирди.
"Футболчилар бор кучини беришни тўхтатгани ҳақидаги гаплар ҳақиқатга тўғри келмайди. ОАВда ўйинчилар барибир жамоадан кетишади, деб ёзишмоқда. Бу шунчаки сафсата, одамлар эса бунга ишонишмоқда. Яқинда бир футболчи жамоанинг қолган аъзоларига: "Барибир кетаман, шунинг учун менга фарқи йўқ", дегани ҳақида ўқиб қолдик... Бу шунчаки уйдирма. Мухлислар эса бунга ишонишади. Бу бизни жуда хафа қилмоқда!" — дея ван де Веннинг сўзларини келтиради инсайдер Фабрицио Романо.
Айни дамда "Тоттенхэм" Англия чемпионати турнир жадвалида 30 очко билан 16-ўринда бормоқда. "Шпорлар" хавфли ҳудуддан атиги бир очкога олдинда.
