Винисиус «Манчестер Сити»га қарши Чемпионлар лигаси 1/8 финали жавоб учрашувининг 1-бўлимида пенальтини аниқ амалга оширди (1:1, танаффус).
Голни нишонлаш пайтида «Реал» вингери бурчак байроқчасига суяниб олди ва мезбон жамоа мухлисларига турли ишоралар кўрсатди. Бундан ташқари, бразилиялик футболчи муштлари билан кўз ёшларини артаётгандек ҳаракат қилди.
Бир йил аввал «шаҳарликлар» мухлислари Родри ва унинг «Олтин тўпи» тасвирланган, шунингдек, «Аччиқ кўз ёш тўкишни бас қил» деган ёзувли баннерни илиб қўйишган эди. 2024 йилда испаниялик футболчи ушбу соврин учун курашда Винисиусни ортда қолдирганди.
