«Арсенал» ярим ҳимоячиси Деклан Райс Чемпионлар лигаси 1/8 финалининг «Байер»га қарши кечган жавоб учрашувида (2:0) энг яхши футболчи деб топилди.
«Деклан ҳимояда жуда ишончли ўйнади, куч-қувватга тўла эди, тўпни жуда кам ҳолларда йўқотди ва муҳим гол муаллифига айланди», — дея таъкидлади UEFA техник кузатувчилар гуруҳи.
Дастлабки учрашув 1:1 ҳисобидаги дуранг билан якунланган эди, шу сабабли «Арсенал» чорак финалга йўл олди ва у ерда Лиссабоннинг «Спортинг» жамоаси билан тўқнаш келади.













