"Галатасарой" ҳужумчиси Виктор Осимхен фаолиятини топ-клубда давом эттириши мумкин.
Sportblits нашри берган маълумотларга кўра, шу ёзда нигериялик футболчини ўз сафига қўшиб олишга "Реал" ва "ПСЖ" клублари қизиқиш билдирмоқда. Ўтган ҳафта ҳар иккала клуб скаутлари Чемпионлар лигаси 1/8 финали доирасидаги "Ливерпуль"га қарши кечган биринчи ўйинда иштирок этишди (ўша баҳс 1:1 ҳисобидаги дуранг билан якунланган эди).
"Реал" Осимхеннинг трансфери учун 80 миллион евро тўлашга тайёр. "ПСЖ" эса ҳужумчига бўлган эски қизиқишини қайта тиклади — парижликлар нигерияликни ҳали 2024 йилдаёқ сотиб олмоқчи бўлишганди, бироқ ўшанда "Наполи" трансфер бўйича таклифни рад этган эди.
Жорий мавсумда Виктор Осимхен "Галатасарой" сафида барча турнирларда 28 та ўйин ўтказиб, 19 та гол урди ва 7 та голли узатмани амалга оширди.
