«Манчестер Юнайтед» ёзда ярим ҳимоя чизиғини тубдан ислоҳ қилишни режалаштирмоқда. iPaper нашри хабарига кўра, «қизил иблислар»нинг устувор мақсади «Ньюкасл» аъзоси Сандро Тонали ҳисобланади. Манкунианликлар италиялик футболчининг трансфери учун катта маблағ сарфлаш кераклигини тушуниб туришибди.
Қайд этилишича, «Ньюкасл» ўз калит ўйинчисини жамоада сақлаб қолиш ниятида. Май ойида 26 ёшга тўладиган Тонали учун «қарғалар» 100 миллион фунтдан (116 миллион евро) кўпроқ маблағ талаб қилишади.
2025/2026 йилги мавсумда Сандро Тонали 46 та ўйин ўтказиб, ўз ҳисобига 3 та гол ва 7 та голли узатмани ёздириб қўйди.
Ҳозирда «Манчестер Юнайтед» АПЛ турнир жадвалида учинчи ўринни эгаллаб турибди.
