«Ньюкасл», «Арсенал» ва «Манчестер Сити» клублари «Порту»нинг 18 ёшли португалиялик ярим ҳимоячиси Родригу Морани диққат билан кузатиб боришмоқда. Бу ҳақда Sports Boom нашри хабар бермоқда.
Инсайдерларнинг таъкидлашича, Мора — сўнгги вақтлардаги энг иқтидорли португалиялик ёш футболчилардан бири ҳисобланади. «Порту» билан расмий музокаралар яқин вақт ичида бошланиши мумкин.
Мора — «Порту» клуби тарбияланувчисидир. Жорий мавсумда ярим ҳимоячи клуб сафида 35 та ўйинда иштирок этиб, 5 та гол урди ва 2 та голли узатмани амалга оширди.
