«Интер» ҳужумчиси Лаутаро Мартинес ўз келажаги борасидаги фикрлари билан ўртоқлашди.

«Интер» билан яна уч йиллик шартномам бор ва мен бу ерда жуда бахтлиман. Лекин келажакда ҳеч бўлмаганда бир мавсумга «Расинг»га қайтишни истардим. Бу қачон амалга ошишини билмайман, аммо фарзандларим «Расинг» мухлислари менга бўлган меҳрини ўз кўзлари билан кўришини хоҳлайман», — деди Лаутаро Racing Radioга берган интервьюсида.

Лаутаро Мартинес — «Расинг» клуби тарбияланувчиси ҳисобланади. У 2018 йилда 25 миллион евро эвазига «Интер»га ўтган эди. Унинг миланликлар билан амалдаги шартномаси 2029 йилнинг 30 июнига қадар мўлжалланган. Жорий мавсумда форвард «Интер» сафида барча турнирларда 35 та ўйинда майдонга тушиб, 18 та гол урди ва 4 та голли узатмани амалга оширди.