Мадриднинг «Реал» клуби дарвозабони Тибо Куртуа УЕФА Чемпионлар лигаси чорак финали доирасида Мюнхеннинг «Бавария» жамоасига қарши кечадиган баҳсларни ўтказиб юбориш хавфи остида турибди.
The Madrid Zone ижтимоий тармоқлардаги саҳифаси хабар беришича, бельгиялик посбонга дастлабки ташхисларга кўра яқинлаштирувчи мушакнинг йиртилиши ташхиси қўйилган. Агар ушбу ташхис ўз тасдиғини топса, Куртуа яқин орадаги учрашувларда ўз жамоасига ёрдам бера олмайди.
Эслатиб ўтамиз, Чемпионлар лигаси 1/8 финалида «қироллик клуби» «Манчестер Сити»дан устун келган эди. Биринчи ўйинда Альваро Арбелоа шогирдлари 3:0 ҳисобида ғалаба қозонишган бўлса, жавоб баҳсида ҳам 2:1 ҳисобида зафар қучиб, устунликни мустаҳкамлашганди.
