Фабио Каннаваро бошчилигидаги Ўзбекистон миллий терма жамоаси Жаҳон чемпионати-2026 олдидан Европанинг энг нуфузли терма жамоаларидан бирига қарши ўйин ўтказиши мумкин.
УзА меҳмони бўлган Алишер Никимбаевнинг айтишича, ҳозирда ЎФА раҳбарияти Нидерландия Қироллик футбол уюшмаси билан ЖЧга яқин ўйин ўтказиш бўйича музокаралар олиб бормоқда.
Июнь ойи бошида "оқ бўрилар" Канада билан ўйнаши аниқ. Катта эҳтимол билан Нидерландия билан учрашув шундан сўнг ўтказилади.
Маълумот ўрнида, Рональд Куман шогирдлари мундиалда «F» гуруҳида Япония, Тунис ва плей-офф ғолибига қарши ўйинлар ўтказади.
Ўзбекистоннинг «K» гуруҳидаги рақиблари Португалия ва Колумбия бўлади. Яна бир терма жамоа плей-офф орқали аниқланади.
