«Ливерпуль» клуби Чемпионлар лигаси 1/8 финалининг жавоб учрашуви пайтида «Энфилд» стадионида «Галатасарой» ярим ҳимоячиси Ноа Ланг олган жароҳат юзасидан суриштирув ўтказади. Бу ҳақда The Athletic нашрининг X ижтимоий тармоғидаги саҳифаси хабар бермоқда. Учрашув майдон эгаларининг 4:0 ҳисобидаги ғалабаси билан якунланган эди.

Ўйиннинг 75-дақиқасида Ланг майдон четидаги реклама қалқонига урилиб кетиб, бармоғидан жароҳат олди. Футболчида кучли қон кетиши кузатилди ва у бир муддат майдонда ётиб қолди. Уни майдондан замбилда олиб чиқиб кетишди. Мерсисайдликлар шикастланиш айнан қандай содир бўлгани ва бу жароҳатнинг олдини олиш имконияти бор-йўқлигини ўрганишмоқда.

Қайд этиш жоизки, турк клуби ярим ҳимоячисида жиддий йиртилиш (кесилиш) аниқланган.