Мадриднинг «Реал» клуби 18 ёшли ўнг қанот ҳимоячиси Хесус Фортеа Альваро Арбелоа қўл остида асосий жамоада дебют қиладиган навбатдаги футболчига айланиши мумкин.
«Қаймоқранглилар»нинг амалдаги устози «Кастилья»даги биргаликдаги фаолияти орқали ўзига яхши таниш бўлган ёш футболчиларга мамнуният билан ишонч билдирмоқда. Marca нашрининг хабарига кўра, Фортеа «қироллик клуби»нинг истиқболли тарбияланувчилари орасида асосий таркибда тез орада дебют қилиши кутилаётган бош номзодлардан бири ҳисобланади. Латераль ўтган йилнинг ёзидаёқ Клублар ўртасидаги жаҳон чемпионатида жамоа қайдномасига киритилган эди, бироқ майдонга тушмаган.
Хесус Фортеа Испаниянинг 15 ёшдан 20 ёшгача бўлган барча тоифадаги терма жамоаларида ўйнаш тажрибасига эга. Ҳимоячининг «Реал» билан шартномаси 2029 йилгача мўлжалланган.
Якшанба куни Альваро Арбелоа жамоаси ўз майдонида «Атлетико»ни қабул қилади.
