«Тоттенхэм» дарвозабони Гульельмо Викарио катта эҳтимол билан жорий мавсум якунланганидан кейин клубини ўзгартиради.

Журналист Мэтт Барлоунинг хабар беришича, «шпорлар» Миланнинг «Интер» клуби билан трансфер шартлари бўйича келишишга яқин турибди. Келишув суммаси тахминан 17 миллион фунт стерлингни (қарийб 20 миллион евро) ташкил этади. Бу Лондон клуби 2023 йилда италиялик посбонни «Эмполи»дан сотиб олган суммага яқиндир.

Яқинда Гульельмо Викарионинг агенти «Интер» спорт директори Пьеро Аузилио билан учрашди. Аввалроқ 29 ёшли дарвозабоннинг ўз ватанига қайтиш истаги борлиги ҳақида хабарлар тарқалган эди. Шунингдек, ўйинчига «Ювентус» томонидан ҳам қизиқиш борлиги айтиб ўтилганди.