«Байер» ҳужумчиси Кристиан Кофане Англияга кўчиб ўтиши мумкин. Бу ҳақда fichajes.net нашри хабар бермоқда.
«Арсенал» клуби ёш камерунлик футболчининг ўйин услуби Артетанинг тўп назоратига асосланган ҳужумкор футболига мукаммал даражада мос келади, деб ҳисоблайди.
Transfermarkt портали футболчини 22 млн еврога баҳолаётган бўлса-да, «Байер» Кофанени 60 млн дан 70 млн еврогача бўлган суммага баҳоламоқда.
Африкалик футболчининг немис клуби билан шартномаси 2029 йилнинг ёзигача мўлжалланган. Кофане Бундеслиганинг жорий мавсумида 23 та ўйинда майдонга тушиб, 5 та гол ва 4 та голли узатмани ўз ҳисобига ёздириб қўйди. У ўтган ёзда «Альбасете»дан 5,25 млн евро эвазига «Байер»га ўтган эди.
