«Bayer» hujumchisi Kristian Kofane Angliyaga ko‘chib o‘tishi mumkin. Bu haqda fichajes.net nashri xabar bermoqda.

«Arsenal» klubi yosh kamerunlik futbolchining o‘yin uslubi Artetaning to‘p nazoratiga asoslangan hujumkor futboliga mukammal darajada mos keladi, deb hisoblaydi.

Transfermarkt portali futbolchini 22 mln yevroga baholayotgan bo‘lsa-da, «Bayer» Kofaneni 60 mln dan 70 mln yevrogacha bo‘lgan summaga baholamoqda.

Afrikalik futbolchining nemis klubi bilan shartnomasi 2029 yilning yozigacha mo‘ljallangan. Kofane Bundesliganing joriy mavsumida 23 ta o‘yinda maydonga tushib, 5 ta gol va 4 ta golli uzatmani o‘z hisobiga yozdirib qo‘ydi. U o‘tgan yozda «Albasete»dan 5,25 mln yevro evaziga «Bayer»ga o‘tgan edi.