«Эвертон»нинг 27 ёшли ярим ҳимоячиси Кирнан Дьюсбери-Холл фаолиятини Англия премьер-лигасининг бошқа бир клубида давом эттириши мумкин. Бу ҳақда Teamtalk портали журналистлари хабар бермоқда.
Манбанинг маълумотларига кўра, хавбек учун «Манчестер Юнайтед» ва «Астон Вилла» клублари курашади. «Эвертон»га келсак, «ирислар» раҳбарияти агар ярим ҳимоячи учун тахминан 50 миллион евро таклиф қилинса, у билан хайрлашишга тайёр.
Англия премьер-лигасининг жорий мавсумида Дьюсбери-Холл 23 та баҳсда майдонга тушди. Ярим ҳимоячи ўз ҳисобига олтита гол ва учта голли узатмани ёздириб қўйишга муваффақ бўлди.
