Лондоннинг «Арсенал» клуби дарвозабони Давид Райянинг фаолияти бутунлай бошқача тус олиши мумкин эди. 2023 йилнинг август ойида «тўпчилар» испаниялик посбонни «Брентфорд»дан бир йилдан сўнг кучга кирадиган сотиб олиш мажбурияти билан ижарага олишган эди.
«Мен «Арсенал»га келишимдан олдин бошқа клубга ўтишга жуда яқин эдим. Бахтимизга, бу амалга ошмади ва шундан сўнг «Арсенал» мен билан боғланди. Ўша клуб «Бавария» эди», — деди Райя ўз интервьюсида. Унинг сўзларини журналист Фабрицио Романо келтирмоқда.
30 ёшли дарвозабон жорий мавсумда Микель Артета жамоаси сафида 40 та ўйинда майдонга тушиб, 25 та гол ўтказиб юборди. Футболчининг Лондон гранди билан шартномаси 2028 йилгача мўлжалланган.
