Мюнхеннинг «Бавария» клубига тегишли бўлган ҳужумкор ярим ҳимоячи Майкл Олисе Англия Премьер-лигасининг топ-клубларидан бирига ўтиши мумкин. Бу ҳақда Indykaila News нашри хабар бермоқда.
Манбанинг маълум қилишича, 24 ёшли франциялик вингернинг хизматларига «Ливерпуль» қизиқиш билдирмоқда. Мерсисайдликлар Олисени ёзги трансфер ойнасида жамоани тарк этиши мумкин бўлган мисрлик Муҳаммад Салоҳнинг ўрнига номзод сифатида кўриб чиқишмоқда.
Майкл немис гранди сафига 2024 йилнинг ёзида келиб қўшилган эди. Вингернинг «Бавария» билан меҳнат шартномаси 2029 йилнинг ўрталарига қадар мўлжалланган. Transfermarkt портали экспертлари франциялик футболчининг бозор қийматини 140 миллион еврога баҳоламоқдалар.
