«Ливерпуль» ҳужумчиси Коди Гакпо Англия чемпионатининг 31-тури доирасида «Брайтон»дан учралган мағлубиятга муносабат билдирди.
— Бизнинг ҳафсаламиз пир бўлди. Ғалаба қозонишни истагандик — бу ҳозирги вазиятда биз учун жуда муҳим эди, аммо ҳаммаси биз кутгандек бўлиб чиқмади, — деди футболчи учрашув якунлангач. Шанба куни бўлиб ўтган баҳс 2:1 ҳисобида «Брайтон» фойдасига ҳал бўлди.
«Ливерпуль» таркибида ягона гол муаллифи Милош Керкез бўлди.
Арне Слот жамоаси ҳисобида 49 очко мавжуд ва жамоа турнир жадвалида бешинчи ўринда бормоқда. Англия чемпионатида 70 очко жамғарган «Арсенал» пешқадамлик қилмоқда.
