Мадриднинг «Реал» клуби марказий ҳимоячиси Дин Хёйсен Антонио Рюдигер билан биргаликдаги ўйини ҳақида фикр билдирди.

Ёш испаниялик футболчи ўтган йилнинг ёзида «қаймоқранглилар» сафига келиб қўшилган эди. Унинг ўйини ҳар доим ҳам бенуқсон бўлмаса-да, қисқа вақт ичида жамоанинг асосий таркибидан жой олишга муваффақ бўлди.

«Рюдигер билан ўртамизда ажойиб тушуниш ҳосил бўлди. Буни нима билан изоҳлашни билмайман, лекин биз ҳақиқатан ҳам биргаликда яхши ҳаракат қиляпмиз.

Мен нималарга қодир эканимни биламан. Баъзида ўзим кутган даражадаги ўйинни кўрсата олмайман, бироқ Альваро Арбелоа менга нисбатан жуда талабчан — бу жуда яхши», — дея Madrid Zone Хёйсеннинг сўзларини келтиради.

Якшанба куни «Реал» ўз майдонида ўтган дербида «Атлетико»ни 3:2 ҳисобида мағлуб этди.