«Ливерпуль» клубининг собиқ футболчиси Стивен Уорнок ВАР тизимининг ишини қаттиқ танқид остига олди.
«ВАР — футбол тарихидаги энг ёмон янгилик. Менимча, бу тизим ҳамма нарсани бузмоқда. Футбол учрашувларига ташриф буюришдан олинадиган завқ йўқолмоқда. ВАР ҳакамларнинг ишига путур етказади. Менинг фикримча, бу ўйин учун мутлақо муваффақиятсиз қўшимча бўлди», — дея Стивеннинг сўзларини келтиради BBC Sport.
Англия Премьер-лигасининг жорий мавсумида «Ливерпуль» 49 очко билан турнир жадвалида бешинчи ўринни эгаллаб турибди. Арне Слот шогирдлари тўртинчи ўринда бораётган Бирмингемнинг «Астон Вилла» жамоасидан беш очкога ортда қолмоқда.
