«Манчестер Юнайтед»нинг икки футболчиси, чақирув олганларига қарамай, ўз терма жамоалари ихтиёрига бормайдиган бўлди.
Ярим ҳимоячи Бриан Мбемо «эҳтиёт чораси сифатида» Камерун терма жамоасининг яқин орадаги ўйинларида иштирок этишдан бош тортишга мажбур бўлди, деб хабар берди клуб. 26 ёшли футболчи 20 март куни «Борнмут»га қарши кечган ўйиннинг (2:2) 71-дақиқасида захирага олинган эди.
Шунингдек, Беньямин Шешко ҳам Словения миллий жамоасига бормайдиган бўлди — бу унинг сўнгги ҳафталарда кузатилган соғлиғидаги муаммолардан сўнг тўлиқ тикланиши учун зарур.













