Ярим ҳимоячи Марио Гётце яқин вақт ичида Франкфуртнинг «Айнтрахт» клуби билан шартномасини узайтиради. Бу ҳақда журналист Флориан Плеттенберг ўзининг X ижтимоий тармоғидаги саҳифасида маълум қилди.
Манба берган маълумотларга кўра, футболчи клуб билан муддати 2027 йилнинг ёзигача мўлжалланган меҳнат шартномасини келишиб олган. Томонлар аллақачон барча масалалар бўйича оғзаки келишувга эришишган, яқин кунларда эса шартнома имзолангани ҳақида расман эълон қилинади.
Жорий мавсумда Марио Гётце клуб сафида барча мусобақаларда 26 та ўйинда майдонга тушиб, 2 та голли узатмани амалга оширди. Футболчининг жамоа билан амалдаги шартномаси 2026 йилнинг июнь ойига қадар мўлжалланган эди.
