Машҳур мураббий Юрген Клопп ўзини «Реал» билан боғлаётган миш-мишларга муносабат билдирди. Аввалроқ, германиялик мутахассис шу ёзда Мадрид грандини бошқариши мумкинлиги ҳақида маълумотлар пайдо бўлган эди.
"Яхшиси, бу ҳақида гаплашиб олайлик. Қачон хабар ҳақиқатга айланади? Биров қоғозга нимадир ёзса содир бўладими ёки ҳақиқатда жараён кетса? Флорентино Перес менга қўнғироқ қилиб: "Юрген, ишларинг қалай?" дейиши керакми? Бундай уйдирмалар менинг ғазабимни келтиради.
"Реал" менга бирор марта ҳам қўнғироқ қилмаган. Агар шундай бўлса, келинг, бир йўла "Атлетико"ни ҳам бошқара қоламан! Идеал ҳолатда — иккала жамоани бир вақтда! Узр, "Мадрид", аввал қўнғироқ қилишларинг керак эди", — дея ҳазиллашди мураббий.
Маълумот учун, Юрген Клопп 2015–2024 йиллар давомида «Ливерпуль» жамоасини бошқарган.
