Mashhur murabbiy Yurgen Klopp o‘zini «Real» bilan bog‘layotgan mish-mishlarga munosabat bildirdi. Avvalroq, germaniyalik mutaxassis shu yozda Madrid grandini boshqarishi mumkinligi haqida ma’lumotlar paydo bo‘lgan edi.
"Yaxshisi, bu haqida gaplashib olaylik. Qachon xabar haqiqatga aylanadi? Birov qog‘ozga nimadir yozsa sodir bo‘ladimi yoki haqiqatda jarayon ketsa? Florentino Peres menga qo‘ng‘iroq qilib: "Yurgen, ishlaring qalay?" deyishi kerakmi? Bunday uydirmalar mening g‘azabimni keltiradi.
"Real" menga biror marta ham qo‘ng‘iroq qilmagan. Agar shunday bo‘lsa, keling, bir yo‘la "Atletiko"ni ham boshqara qolaman! Ideal holatda — ikkala jamoani bir vaqtda! Uzr, "Madrid", avval qo‘ng‘iroq qilishlaring kerak edi", — deya hazillashdi murabbiy.
Ma’lumot uchun, Yurgen Klopp 2015–2024 yillar davomida «Liverpul» jamoasini boshqargan.
