«Коринтианс» клубининг нидерландиялик ҳужумчиси Мемфис Депайнинг ўнг оёғида иккинчи даражали мушак чўзилиши ташхиси қўйилди. Футболчи 4 ҳафтага сафдан чиқди ва Либертадорес кубогининг биринчи босқичида майдонга туша олмайди.

Жароҳат 22 март куни «Фламенго»га қарши кечган (1:1) учрашувнинг биринчи бўлимида орттирилган. Жамоадоши томонидан киритилган гол билан якунланган ҳужум бошланганидан бир неча дақиқа ўтгач, Депай сонини ушлаганча майдонга йиқилган.

Бразилия клубининг таъкидлашича, футболчи ўз ватанида даволаниш курсларини ўтайди. У аввалроқ Норвегия ва Эквадорга қарши ўйинларда иштирок этиш учун Нидерландия миллий терма жамоасига чақирилган эди.

Депай «Коринтианс» сафига 2024 йилда келиб қўшилган. Жорий мавсумда у 12 та ўйинда майдонга тушиб, 1 та гол ва 1 та голли узатмани амалга оширди. Унинг амалдаги шартномаси шу ёзнинг охиригача амал қилади.