Англиянинг «Астон Вилла» клуби шу ёзда «ПСЖ»нинг ёш иқтидори Ибраҳим Мбайени сотиб олишни режалаштираётган бир нечта Премьер-лига жамоалари қаторидан жой олди.
18 ёшли ҳужумчи Европанинг энг истиқболли футболчиларидан бири ҳисобланади. У жорий мавсумда 25 та ўйинда майдонга тушди, бироқ уларнинг аксариятида захирадан ўйинга қўшилди. Шу сабабли, футболчига асосий таркибда мунтазам ўйин амалиётини кафолатлайдиган трансфер варианти кўриб чиқилмоқда. Бироқ, «Астон Вилла» бу йўлда жиддий рақобатга дуч келиши аниқ ва клубнинг Чемпионлар Лигаси йўлланмасини қўлга киритиши трансферда ҳал қилувчи омил бўлиши мумкин.
«ПСЖ» академияси тарбияланувчиси бўлган Мбайе 16 ёшида дебют қилиб, клуб тарихидаги энг ёш дебютантга айланган эди. Шунингдек, у Сенегал терма жамоаси сафида Африка Миллатлар Кубогида иштирок этиб, плей-офф босқичида гол уришга ҳам улгурди.
