«Челси» ёзги трансфер ойнасида бир йўла бир нечта позицияни кучайтириш ниятида.

Журналист Мэтт Лоунинг маълумотларига кўра, Лондон клуби жорий мавсум якунланганидан сўнг камида битта марказий ҳимоячи, шунингдек, ярим ҳимоячи ва ҳужумчи трансферини амалга оширишни режалаштирмоқда.

Айни дамда «Челси» Англия чемпионати турнир жадвалида 31 турдан сўнг 48 очко жамғарган ҳолда олтинчи ўринда бормоқда. Аввалроқ «кўклар» Чемпионлар Лигасининг 1/8 финалида «ПСЖ»га икки ўйин натижасига кўра (умумий ҳисоб 2:8) имкониятни бой бериб, мусобақани тарк этган эди. Бундан ташқари, «Челси» Англия Лига Кубоги ярим финалида «Арсенал»га мағлуб бўлди, бироқ Англия Кубоги учун курашни давом эттирмоқда.