2026 йилги Жаҳон чемпионатидан сўнг Дидье Дешам Франция терма жамоаси бош мураббийи лавозимини тарк этади. Деярли беш йилдан бери мураббийлик қилмаётган Зинедин Зидан «уч ранглилар»нинг янги устозига айланиши ҳақида гап-сўзлар юрибди. Франция терма жамоасининг юлдузли ҳужумчиси Килиан Мбаппе ушбу мавзуда ўз фикрини билдирди.
«Президент ва федерация — муддатларни назорат қилувчи органлардир. Янги мураббийнинг исми қачон эълон қилинишини улар ҳал қилишади. У ким бўлишини вақт кўрсатади, мен билмайман (кулимсираб)», — дея Мбаппенинг сўзларидан иқтибос келтирмоқда The Touchline.
Дидье Дешам Франция терма жамоасини 2012 йилнинг июль ойида бошқаришни бошлаган эди. 2018 йилда «уч ранглилар» Россияда бўлиб ўтган Жаҳон чемпионатида ғолиб чиқишган.
