«ПСЖ» вакили клубнинг Лига 1 доирасидаги «Ланс»га қарши ўйинини бошқа муддатга кўчириш истаги ҳақидаги маълумотларга изоҳ берди.
Аввалроқ, «ПСЖ» ва «Страсбур» клублари Чемпионлар Лигаси ва Конференциялар Лигаси доирасидаги «Ливерпуль» ҳамда «Майнц»га қарши учрашувлар оралиғида белгиланган ички чемпионат ўйинларини кўчиришни сўраётгани ҳақида хабарлар тарқалган эди.
«Иккита француз клубининг еврокубоклар ярим финалига чиқиш истиқболи Лига 1 учун ҳам спорт, ҳам иқтисодий жиҳатдан катта имкониятдир.
Тақвимдаги бундай ўзгаришлар илгари ҳам Профессионал футбол лигаси (LFP) томонидан еврокубокларда иштирок этаётган кўплаб француз клублари манфаатлари йўлида мунтазам равишда амалга ошириб келинган», — деб маълум қилди клуб вакили.
