Юлдуз ҳужумчи Винисиус Жуниор Бразилия терма жамоасидаги ўз роли ҳақида фикр билдирди.
«Менимча, ҳамма мени Бразилия терма жамоаси етакчиларидан бири бўлишимни истайди. Мен фаолиятимдаги барча чақириқларга тайёрман. Мен аллақачон Жаҳон чемпионатида ўйнаганман ва яна мағлуб бўлишни хоҳламайман. Мен тинимсиз меҳнат қилдим, жароҳат олишни истамайман. Таркибимизда Рафинья, Жоао Педро, шунингдек, Эндрик ва Эстевао каби ёш ўйинчилар бор. Биз барчамиз тайёрмиз. Ҳатто битта стандарт вазият билан ҳам ўйин тақдирини ҳал қила оламиз. Жаҳон чемпионатларида айнан шундай ғалаба қозонилади», — деди Винисиус матбуот анжуманида.
Бразилия терма жамоаси шу ёзда Жаҳон чемпионатида иштирок этади. Гуруҳ босқичида «селесао» Марокаш, Гаити ва Шотландия терма жамоаларига қарши баҳс олиб боради.
