Италия терма жамоаси Жаҳон чемпионатининг сўнгги йўлланмалари учун масъулиятли кураш олдида турибди. Пайшанба оқшомида жамоа Шимолий Ирландия термасига қарши майдонга тушади. Итальянлар хотирасида аввалги ўтиш ўйинларидаги (плей-офф) муваффақиятсизликлар ҳали ҳам янги ва бу сафар ҳам нимадир нотўғри кетишидан хавотирлар кучли. Бироқ афсонавий собиқ ҳужумчи Алессандро Дель Пьеро футболчиларни ўзларига ишонишга чақирди.
«Ҳамма ҳеч қандай қўрқувсиз жамоа атрофида бирлашиши керак. Учрашувнинг муҳимлигини барча тушуниб турибди, лекин майдонга қўрқмасдан ва ўз имкониятларининг 100 фоизини бериш ниятида чиқиш лозим. Биз ўз уйимизда ўйнаяпмиз, мухлислар футболчиларимизни қўллаб-қувватлайди», — дея Дель Пьеронинг сўзларини келтиради pianetamilan.it.
Эслатиб ўтамиз, Италия терма жамоаси ўз саралаш гуруҳида иккинчи ўринни эгаллагани сабабли ўтиш ўйинларида иштирок этмоқда.
