Мадриднинг «Реал» клуби ва Франция терма жамоаси ҳужумчиси Килиан Мбаппе бўлажак Бразилия терма жамоасига қарши ўртоқлик ўйинидан кутаётган умидлари билан ўртоқлашди.
Ушбу баҳс пайшанба куни бўлиб ўтади ва Тошкент вақти билан тунги соат 01:00 да бошланиши режалаштирилган.
«Бу ўйин биз учун жуда муҳим. Бразилия — улкан футбол давлати. Ушбу учрашув бизга шу ёзда бўлиб ўтадиган Жаҳон чемпионатида бизни нималар кутаётгани ҳақида илк тасаввурларни беради: муҳит, мухлислар», — деди матбуот анжуманида Мбаппе. Шунингдек, у ўйинни асосий таркибда бошлашга тайёрлигини ҳам маълум қилди.
Якшанба куни, 29 мартда французлар иштирокида иккинчи ўртоқлик учрашуви бўлиб ўтади — бу сафар Колумбия терма жамоаси рақиблик қилади.
