«Атлетико» ярим ҳимоячиси Маркос Льоренте ҳужумчи Хулиан Альвареснинг жорий мавсум якунида Мадрид клубини тарк этиши мумкинлиги ҳақидаги миш-мишларга муносабат билдирди.
«Хулиан Альварес «Атлетико»да бахтли. Унинг мотивацияси юқори. Гол урган вақтида унинг муваффақиятга эришишни қанчалик хоҳлаётгани кўриниб туради. У бор эътиборини ўйинга қаратган, ОАВда пайдо бўлаётган барча гап-сўзлар эса шунчаки ташқи шов-қин, холос. Бу нарсалар жамоага таъсир қилади деб ўйламайман», — дея Льорентенинг сўзларини келтиради Diario SPORT нашри.
Жорий мавсумда Хулиан Альварес «матрасчилар» сафида барча турнирларда 44 та ўйинда майдонга тушиб, 17 та гол урди ва 9 та голли узатмани амалга оширди. Унинг «Атлетико» билан шартномаси 2030 йилнинг 30 июнига қадар мўлжалланган.
