Белграднинг «Партизан» клуби 19 ёшли ҳужумчиси Андрей Костич Италия чемпионатига кўчиб ўтишга яқин турибди. Бу ҳақда инсайдер Лука Манинетти ижтимоий тармоқлар орқали хабар бермоқда.
Манбага маълум бўлишича, ҳужумчининг янги иш жойи «Милан» бўлади. «Россонери» музокаралар ўтказди ва истиқболли футболчининг трансферини келишиб олди. Костичнинг ўтиши учун Милан клуби Белград томонига уч миллион евро тўлайди.
Сербия чемпионатининг жорий мавсумида ҳужумчи 27 та учрашувда майдонга тушди ва 11 та гол уришга муваффақ бўлди.
