«Милан» ва Италия терма жамоасининг собиқ ярим ҳимоячиси Массимо Амброзини УЕФА Чемпионлар Лигасининг сўнгги финали вақтида кимга хайрихоҳ бўлгани ҳақида сўзлаб берди. Ҳал қилувчи баҳсда Франциянинг «ПСЖ» ва Италиянинг «Интер» жамоалари тўқнаш келишган эди (5:0).
«Ростини айтаман — «Милан» ўйинчиси бўлган вақтимда «Интер»га нисбатан ўзгача туйғуларим бор эди. Аммо фаолиятимни якунлаб, шарҳловчи сифатида DAZN ва Primeда ишлай бошлаганимдан сўнг фикримни ўзгартирдим. Менда Италия клублари ҳақида ҳеч қандай ёмон фикр йўқ. Турмуш ўртоғим «Интер»га мухлислик қилади, 16 ёшли ўғлим эса «Ювентус» ишқибози. Шундай қилиб, бизда барча катта жамоалар қамраб олинган!» — деди Амброзини GFFN нашрига берган интервьюсида.
Чемпионлар Лигасининг жорий мавсумида фақатгина битта клуб 1/8 финал босқичигача етиб борди. Бу «Аталанта» бўлиб, у якунда «Бавария»га имкониятни бой берди — 1:6, 1:4.
