«Ливерпуль»нинг собиқ бош мураббийи Юрген Клопп Микель Артета бошқарувидаги «Арсенал»га қарши кечган қарама-қаршиликларни ёдга олди.
Германиялик мутахассис испаниялик мураббий қўл остидаги «тўпчилар» унинг «Ливерпуль»и учун энг қийин рақиблардан бири бўлганини тан олди.
«Мен доим Артетанинг «Арсенал»ига қарши ўйинларга узоқ вақт тайёргарлик кўришимга тўғри келарди. Бу жамоани мағлуб этиш жуда қийин эди. Бундай рақиб билан учрашувда шунчаки бориб, уч очкони қўлга киритиб бўлмайди», — дея инглиз ОАВлари Клоппнинг интервьюсидан иқтибос келтирмоқда.
Микель Артета 2019 йилнинг охирида «Арсенал» устози лавозимини эгаллаган эди. Юрген Клопп эса «Ливерпуль»да 2015 йилдан 2024 йилгача фаолият юритган.
Ҳозирги вақтда лондонликлар Премьер-лига турнир жадвалида «Манчестер Сити»ни тўққиз очкога ортда қолдирган ҳолда пешқадамлик қилмоқда.
