Мадриднинг «Реал» клуби ва Франция терма жамоаси марказий ярим ҳимоячиси Эдуардо Камавинга жамоадоши Винисиус Жуниорнинг инсоний фазилатларига баҳо берди.
Камавинга бразилиялик футболчини ўз дўсти деб атади ва унинг камералар ортида ажойиб инсон эканлигини таъкидлади.
«У ажойиб инсон. Менимча, одамлар буни тушунишмайди, чунки у майдонда доимо бақириб юради ва улар буни муаммо деб ҳисоблашади. Лекин аслида у шунчаки жуда ҳиссиётларга берилувчан йигит», — дея француз футболчисининг сўзларини келтиради ESPN.
Жорий мавсумда 25 ёшли қанот ҳужумчиси барча турнирларда 43 та учрашувда иштирок этиб, ўз ҳисобига 17 та гол ва 13 та ассист ёздириб қўйди.
