Madridning «Real» klubi va Fransiya terma jamoasi markaziy yarim himoyachisi Eduardo Kamavinga jamoadoshi Vinisius Juniorning insoniy fazilatlariga baho berdi.

Kamavinga braziliyalik futbolchini o‘z do‘sti deb atadi va uning kameralar ortida ajoyib inson ekanligini ta’kidladi.

«U ajoyib inson. Menimcha, odamlar buni tushunishmaydi, chunki u maydonda doimo baqirib yuradi va ular buni muammo deb hisoblashadi. Lekin aslida u shunchaki juda hissiyotlarga beriluvchan yigit», — deya fransuz futbolchisining so‘zlarini keltiradi ESPN.

Joriy mavsumda 25 yoshli qanot hujumchisi barcha turnirlarda 43 ta uchrashuvda ishtirok etib, o‘z hisobiga 17 ta gol va 13 ta assist yozdirib qo‘ydi.