Сўнгги вақтларда матбуот «Ньюкасл»нинг италиялик ярим ҳимоячиси Сандро Тоналини «Манчестер Юнайтед» билан боғламоқда. «Қизил иблислар» вакиллари аллақачон футболчининг агентлари билан музокаралар ўтказишга улгурди.
Sully Talkz нашрининг хабар беришича, Тонали «Олд Траффорд»га кўчиб ўтишга тайёрлигини билдирган, бироқ аввал у «Ньюкасл»даги мавсумни юқори нотада якунлаб қўймоқчи.
Нуфузли Transfermarkt портали мутахассислари Сандро Тоналини 80 миллион еврога баҳоламоқдалар. 25 ёшли италиялик футболчининг «Ньюкасл» билан амалдаги шартномаси 2027/2028 йилги мавсум якунига қадар мўлжалланган.
«Манчестер Юнайтед» айни дамда Премьер-лига турнир жадвалида учинчи ўринни эгаллаб турибди.
