Мадриднинг «Реал» клуби ҳужумчиси Килиан Мбаппе Чемпионлар Лигасининг 1/4 финал босқичида «Бавария»га қарши бўлиб ўтадиган бўлажак ўйинлар ҳақида фикр билдирди.

«Бавария» билан рақобат? Агар кимдир уларни мағлуб эта олса, бу фақат «Реал»дир», — дея Мбаппенинг сўзларини TF1 нашрига таяниб El Chiringuito келтирмоқда.

«Реал» ва «Бавария» ўртасидаги дастлабки учрашув 7 апрель куни Мадриддаги «Сантьяго Бернабеу» стадионида бўлиб ўтади. Жавоб ўйини эса 15 апрелга белгиланган ва у Мюнхендаги «Арена Мюнхен» стадионида ўтказилади.

Чемпионлар Лигасининг жорий мавсумида Мбаппе тўққизта ўйинда иштирок этиб, 13 та гол ва битта голли узатмани амалга оширди. Футболчининг клуб билан амалдаги шартномаси 2029 йил ёзига қадар мўлжалланган.