Madridning «Real» klubi hujumchisi Kilian Mbappe Chempionlar Ligasining 1/4 final bosqichida «Bavariya»ga qarshi bo‘lib o‘tadigan bo‘lajak o‘yinlar haqida fikr bildirdi.
«Bavariya» bilan raqobat? Agar kimdir ularni mag‘lub eta olsa, bu faqat «Real»dir», — deya Mbappening so‘zlarini TF1 nashriga tayanib El Chiringuito keltirmoqda.
«Real» va «Bavariya» o‘rtasidagi dastlabki uchrashuv 7 aprel kuni Madriddagi «Santyago Bernabeu» stadionida bo‘lib o‘tadi. Javob o‘yini esa 15 aprelga belgilangan va u Myunxendagi «Arena Myunxen» stadionida o‘tkaziladi.
Chempionlar Ligasining joriy mavsumida Mbappe to‘qqizta o‘yinda ishtirok etib, 13 ta gol va bitta golli uzatmani amalga oshirdi. Futbolchining klub bilan amaldagi shartnomasi 2029 yil yoziga qadar mo‘ljallangan.
